ՈՒրախ եմ ձեզ տեղեկացնել, որ երկար ջանքերի շնորհիվ արդեն գործում է ԲԿՌԿ հիմնադրամը, ավելի պարզ ու մատչելի` Բերդի կանանց ռեսուրս կենտրոն հիմնադրամը, որի նպատակն է ինչ-որ ձևով օգնել այս տարածաշրջանի կանանց` նրանց կրթելու, զբաղվածության խնդիրը լուծելու , ակտիվացնելու գործում: Հիմնադրամն ստեղծվել է ԱՄՆ Խաղաղության Կորպուսի կամավորների և Հայաստանում Ֆինլանդիայի և Նորվեգիայի հյուպատոս Թիմոթի Սթրեյթի աջակցությամբ: Այսօր հիմնադրամը "Հայրենի ձեռագործներ" ծրագրի շրջանակներում համախմբում է գործազուրկ կանանց, ովքեր ներդնում են իրենց հմտություններն ու շնորհքը` մոտ ապագայում ցուցահանդեսին ներկայանալու, իրենց գործերով ֆինանսական որոշակի աջակցություն ստանալու ակնկալիքով: